Zyrtarizohen tre zëvendësministrat nga Kosova në Qeverinë Rama

21:04 | 6 Nëntor 2017
Arbresh.info

Ditën e sotme, gjatë mbledhjes së Këshillit të Ministrave u emëruan tre zëvendësministra të rinj të kabinetit ‘Rama 2’.

Specifikisht flitet për zëvendësministren e Arsimit, Sportit dhe Rinisë, Besa Shahini, Valbona Shujaku tek ministria e Kulturës si dhe Hajrulla Çeku, te Ministria e Turizmit dhe Mjedisit.

Të tre të emëruarit zyrtarë janë nga Kosova.

Kush janë tre të zgjedhurit e Ramës?

Valbona Shujaku ka qenë drejtuese e departamentit të Kulturës në kryeqytetin e Kosovës, Prishtinë.

Ndërkohë Hajrulla Çeku ka qenë drejtor i një organizate me bazë në komunitet që angazhohet për mbrojtjen e qyteteve të Kosovës, ndërsa ka përfunduar studimet master në qeverisje dhe zhvillim lokal.

Ndërsa Besa Shahini është analiste dhe hulumtuese e çështjeve të integrimit evropian dhe politikave arsimore. Deri në verën e 2015-ës, ka punuar si analiste me organizatën me bazë në Berlin, Iniciativa Evropiane për Stabilitet (ESI). Ajo herë pas here shkruan për gazetat ditore në Kosovë.

Shpërndaje në rrjete sociale

Lajmet më të lexuara

Të ngjashme

Foto lajm